PAKISTAN PEOPLES PARTY KI BAIL PAR HUMESHA DARD K PHOOL KHILTAY HEIN...

Apni jarein awam me rakhnay wali is jamat ki bailon pr humesha dard hi k phool khiltay rahay hein,aik aamir k dor me iski paidaish hui or phr thora arsa hi iqtedar sambhalay hua tha k aik or aamir ka dor is par musalat hogaya,baani ney daar par shahadat pai or phr shahadaton ka ye silsila is khandan ka tarrah-e-imtiaz hi bn kr rah gaya.

aik jahan ney is pr khanjar zani ka silsila jari rakha laikn hr bar is k karkunon ne apnay qaideen k lahu me lahu shamil ki,in karkunon ka imteaz ye hai k lafz "jiyala"k maeni hi in k liye makhsus hogaey_ye karkun din ho ya raat apni qayadat ki pukar k liye apnay kaan baidar rakhta hai,jiyalon ki ye foj apni nadaryon k bawajud na sataish ki tamana rakhti hai na silay ki parwah kartay hein,humesha ksi challenge k intezar me rehtay hein aisay karkun partiyon ko kam kam hi naseeb hotay hein or peoples party ki ye khushkismati hai k usay humesha aisay karkunon ka sath mila hai.